gepad.ge

მედია ჰოლდინგ «პალიტრას» ფინანსურ შემოწმებასთან დაკავშირებით

იმ დროს, როდესაც ხელისუფლების მხრიდან მასმედიის საშუალებით ყოველდღიურად გვესმის თუ როგორ უწყობენ ხელს ბიზნესის განვითარებას, მეწარმეების შემოწმება რამდენად გამჭირვალე და უმტკივნეულო პროცედურად გადააქციეს, სრულიად გაუგებარია მედია ჰოლდინგ «პალიტრას» არაგეგმიური შემოწმება, მით უმეტეს როდესაც ეს ღონისძიება საეჭვოდ დაემთხვა ამ ჰოლდინგის მიერ 2011 წლის 26 მაისის მოვლენების სრულყოფილად და ობიექტურად გაშუქებას. ყოველივე ხსენებულიდან გამომდინარე, მოვუწოდებთ შემოსავლების სამსახურს აუხსნან საზოგადოებას არაგეგმიური შემოწმების მიზეზების შესახებ და მაქსიმალურად დაიცვან მოქმედი კანონმდებლობა.