gepad.ge

პროექტი "მშვიდობიანი შეკრებებისა და მანიფესტაციების უფლების საზოგადოებრივი მონიტორინგი". ანგარიში ასახავს საქართველოს არასამთავრობო ორგანიზაციათა კოალიცია “საზოგადოებრივი დამცველის” საქმიანობას პროექტის პერიოდში: 2009 წლის 9 აპრილიდან 2009 წლის 15 სექტემბრამდე.

წიგნი მომზადებულია ფონდის “ღია საზოგადოება – საქართველო” ფინანსური დახმარებით. იგი არ გამოხატავს ფონდის ოფიციალურ პოზიციებს.

პროექტი მიზნად ისახავდა შემდეგი ამოცანების შესრულებას:

• საზოგადოებრივი მანიფესტაციების დროს ადამიანის უფლებების დარღვევების ფაქტების გამოვლენა და დოკუმენტირება;
• უფლებადარღვეული პირებისათვის სამართლებრივი ხასიათის დახმარების შეთავაზება და წარმომადგენლობა სასამართლოებში და ადმინისტრაციული ორგანოების წინაშე;
• ადგილობრივი და საერთაშორისო საზოგადოების ინფორმირება საზოგადოებრივი მანიფესტაციების დროს გამოვლენილი ადამიანის უფლებათა დარღვევების თაობაზე

წინამდებარე ანგარიშში აღნიშნული ფაქტები კლასიფიცირებულია დარღვევების ხასიათის მიხედვით, შემდეგ კატეგორიებად:

1. თავისუფლად გადაადგილების უფლების უკანონო შეზღუდვა;
2. დაპატიმრებები და ადმინისტრაციული სასჯელების შეფარდება;
3. პიროვნული ხელშეუხებლობის უფლების ხელყოფა;
4. ადამიანის პატივის, ღირსებისა და საქმიანი რეპუტაციის შელახვა;
5. პროვოკაციები, მათ შორის ისეთები, რომელთა შორის მთავარი ადგილი უჭირავს იარაღის ან ნარკოტიკის “ჩადებას” აქციებში მონაწილე მოქალაქეებისთვის;
6. მშვიდობიანი შეკრებებისა და მანიფესტაციების უფლების ხელყოფა.